shayad tumko dekha hoga
=====================
ood kar aaye chand parinde, bole mujh se sun ai bande
sunderta ki ek pratime dekhi, chand ki sarvotam upma dekhi,
shayad tumko dekha hoga.......................

ek roj gaya mai gulshan mein, sab phool the badi uljhan mein,
poocha maine to sambne pharmaya, koi ham se behatar chaman mein aaya,
shayad tumko dekha hoga.......................

dekha seikh ne jab hothon ke til ko, sambhal naa paya apne dil ko,
sazde mein woh khuda se bola, ise nazar kisiki lage na maula,
shayad tumko dekha hoga.......................

dekha hamne ek sharabi, bhar kar baitha jaame-gulabi,
phenk diya phir utha ke pyala, bola uske honth hein madhushala,
shayad tumko dekha hoga......................

aakhen teri jheel sii gahri, duba inme ik prahari,
chand shayar kahen neelkamal, mein inko hi kahta hoon gazal
shayad tumko dekha hoga, shayad tumko dekha hoga.........

................haan tumhe hi dekha hai, haan tumhe hi dekha hai.